Piter, saňa derhal bir söz diýmeli,

Men seň dostuň, ýüregiňi aç maňa,

Gorkma gider öýdüp seniň içiňe,

Gijäň rahat,

Gözleňden ogşaýaryn,

Men üçekde ýaşaýaryn.

Owadan köýnegem geýdim,

Bişirdim nohutly çorba,

Söýdüm ýa-da söýmedim,

Seni küýsäp,

Gijelerne üşeýärin,

Pes üçekde ýaşaýaryn.

Okuw ýada düşýär,

Kitaplarma güýmenýärin.

Bombalaň sesin eşidip,

Gör, nähili üýşenýärin.

Söz bermen bagtly geljegi,

Wah, üçekde ýaşaýaryn.

Gündeligme kän zat ýazdym,

Köpüsinem ýazmadym,

Ýok, men käbir gyzlar ýaly

Syrymy berk ýygşyrýaryn.

Gowusy, gel, gül sowgat et,

Hol üçekde ýaşaýaryn.

Sen - meň goňşym,

Günleň biri

Özbaşyma öýüm bor.

Ýazyjy - men,

Ýazdygymça ýaşarýaryn.

...Tokaýa gitseň aýt,

Bir içim gysýar...

Dar üçekde ýaşaýaryn.

Suraý Babanyýazowa