Daň 4:14

Gözüm açdym tisginip,

Hamsygyp, demimi dürsedim çala.

Ýüregim çola.

Sowuk şemal okdurylýar

Açyk galan penjirä.

Gözýaş siňen ýaňaklam al.

Otagma reňk berýär Aýyň jemaly.

Töwrekde höküm sürýär ümsümlik.

Ýokla! Onçakly bir ümsümligem däl,

Huwwuldysy gelip gitdi Baýguşyň.

Waý! başym çat açaýjak ýaly agyrýar,

Aňymda aýlanýar müňlerçe müýnim,

Ertirim, düýnüm.

Yzyndan daň kowup gelýän okymyň

Gap bilinden, bölüp bilmez hiç bir güýç.

Ýatlamalam bilen galamda ýalňyz,

Gara oýlar ýan-golaýma gelmez hiç.

Süzülen gabaklam göýberdim aşak.

Göz öňümde kakamjanyň sudury,

Gysmyljyrap aram tapar howsalam,

Gowy görýän jemperini gujaklap,

Ýene-de parahat giderin uka.

****

Uzuk Agamyradowna