Enemlere gitjek ýaz-ýarym çyksa,  

Telärinde enem ýokduram weli...

Şu ýaz oba gitjek, aýlanjak birlaý, 

Bezzat çagalara süýji paýlajak. 

Köne erigmiziň kölegesinde,  

Özüm bilen çaýlajak.

Jaýlajak bolan-bolmadyk gussamy,  

Otlary sypalap aýdymam aýtjak.  

Kakam pahyram ussady,  

Kim maňa şahyrdyr öýtjek.

Şu ýaz enemlere gitjek, söz berýän,

Melleginde adam ýokdur enemiň.

Men salam bererin pederlerime,

Saklap edebim.

Köçeden müň çaga ötendir, ýöne

Çagalygmyň yzyn basgylan däldir,  

Meniň arzuwlarma ynanan ýyllar 

Meniň ýeňlişlermi bagyşlan däldir.

Bu dünýäniň giňligine düşündim,  

Üljämiziň bol getiren ýyly... 

Enemlere gitjek ýaz-ýarym çyksa,

Telärinde enem ýokduram weli...

@Suray Babanyýazowa