Garaşmak...

"Dekabra düşjek ýaly toýumyz"
Diýenimde duýýan gaharlanýanyň.
Diňe şol güýmeýär pikir-oýumyz
Ýogsa, öňümizde baharlaň bary.

A sen noýabry belläniň aýan
Bagtly günlermize bolmaga şärik.
Heniz hakykata geçmedik hyýal
Misli gara ýere oklanan şänik.

Bitaý köwüş kimin ters bolýar maňa
Adaty durmuşyň adaty röwşi.
Tüýs wagtynda gözli-başly bolmaga
Obaň gyzlarynyň tolgunyp ýörşi.

Işdeş gyzlar azalyp dur bir-birden,
Eýýäm öýme bilen boldular jora.
Seret, noýabram gidýär bu ýerden
(Ikimizi ahmyrlardan kim gorar?)

Bagtyna alňasap juwan çagynda
Betbagtlyk ýüküni ýüklenen kändir.
Söýüp-söýlüp ýörkäk yşkyň bagynda
Garaşmak çakyň deý çökderem däldir?!

Basym dekabram alarys myhman,
Gowsy, keçjal ykbal bilen hümürdeş!
Ýyly günler gelmez aýazdan dynman
Belki, mart boljakdyr bize höwürdeş?

@Belki
14.11.2026 ý.