Täsin düýş eýeläp aldy hyýalym,

Geçmişe dönüpdir gelmedik günler.

Surat albomyn-da gizlenip goýlan,

Durmuşymdan ýaşalmadyk bölümler.

Maşgalamyň buýsanç doly keşpleri,

Ýerleşdirlen şol albomyň gatyna.

Ýeke-ýeke sahypasyn agdaryp,

Syn etdim, gelmeli ýyllaň çetine.

Entek tikinmedik köýnegim geýip,

Heniz tutulmadyk toýlar-da durdum.

(Bir suratda gapdalym-da ýylgyryp,

Duşmadyk söýgülim özüňem bardyň.)

Ýaşanyňa degýän şol senelerde,

Her kadr-da ýaňlanýardy gülkülem.

Duruşymda görünýärdi täze heň,

Ýüz- gözümem ýagtylypdyr öňküden.

Gördüm şonda, ganat baglan göwnümi,

Garşylajak takdyrymyň dürlerin.

Ýogsam, düýş perisi nireden bilsin,

Hemmeler-den

pynhan tutan syrlarym?!

***********

Uzuk Agamyradowna