Atamyrat ATABAÝEW
Bir gün gelip: «Senden gideýin» diýdi,
Özümde barlygyn duýmadyk bagtym.
«Men özgäni bagtly edeýin» diýdi,
Şindi bir ýaman söz diýmedik bagtym.
Jogap berdim: «Bolýar gitseň, hoş onda»
Ötegçi şemaly saklanok baglar.
Gujagyndan güwläp gaýdan derýany
Goýbermän saklajak bolanok daglar.
Gitdi. Goý, özgäni bagtly etsin,
Ýeri, nätjek, köňül köşgüň bozulsa?!
Özi göwnäp gitse, goý, gitse gitsin,
Egleme bir pursat bagtyňam bolsa!
Atamyrat ATABAÝEW

Teswirler (0)
Teswir ýazmak üçin hasabyňyza giriň
Entek teswir ýok. Ilkinji bolup ýazyň.