" Gyşda üşän güli ýazda gülledip bilmersiň "

Sen bir bagban bolmalydyň,

Öz bagyňa saldyň talaň.

Perýada dolupdyr öýüň,

Ody öçüp küli galan.

Ýigrençden gala gurupsyň,

Mähir ondan asgyn geldi.

Kör gazaby dost bilip sen,

Has kyn çemli, apalamak

Allanyň naçar bendesin?

Indi bir öýde iki ýat,

Ruhlar garpyşsa neýlesin?!

Ýegsan eder, bedeniňden

Kän agyrsa söýgüň a:ry.

Niçiksi tapdyň karary,

Barmy wyždanyň dellaly?

Biçäre ýatanam bolsaň,

Günälerden saklanardyň.

Müjerret ötenem bolsaň,

Erkekligiň hak bolardy.

*******.

Uzuk Agamyradowna