Haýkyrýan gözler

Eşitgir bolupdyryn,

gitdikçe-de eşitgirleşýän.

Dünýäň nirinde bolsa-da,

gülüşýän-u-gürleşýän,

Men eşidýän!

____________________

I:ň: ýaman dert — eşitgirlik

we

iň uly bagt — kerruhlyk.

Ýogsa ýedi ýeňňem gelip,

Gulagyma, damagyma

Gurşun eredip guýdular...

...Men şonda-da eşidýärin.

Daaaaaat! Bibat!

_____________________

Gapdyraýyň, şoň sesini,

Ýapaýyň-da, ýataýaýyn!

Indi ençe ýyldyr, en-çe

Ýen-je, ýen-je, ýen-je, ýen-je:

TV-ni döwmek — arzuwym!

____________________

Dymmasaňyz dymmaň, emma...

Kitap ýaly ümsüm boluň!

Sümsünjiräň, ymsynjyraň

Kemsinjiräň, ham-sygyn-jyraa:ň!!!

Misginsokar, kümsük boluň,

Ýöne jyňkyňyz çykmasyn!

____________________

Zarynlamaň, taryplamaň,...

Tiňňildetmäň, şo dutaram!

Ýagşu-ýaman hiç bir sesi

Eşdesim gelmän urunýan...

Öz ýüregmiň sesine-de

Ýyllardyr uklabilemok.

Ýyl-lar-dyr

dünýäniň sesinden gaçýan,

Adamyndan gaçýan, guşundan gaçýan,

Ýapragyndan gaçýan, ýagşyndan gaçýan,

Gaçýan...

Neçün sesler kowlaýar meni?!

___________________

Gygyryp-gygyryp aýdym aýdýaryn,

Paýyş-paýyş sögýän, keýpi bar, keýpi!

Haýyş, hiç zat aýtmaň,

men şeýle-de gözlem bilen eşidýärin.

Haýyş, hiç zat görkezmäň,

men şeýle-de kalbym bilen görýärin.

Haýyş, ýalňyz goýmaň,

Ýalňyzlykda hasam sürünýär dünýä.

Müň bir reňkli, müň bir heňli öwülýän dünýäň

Unduldy indi müň derdi.

Müň bir owazly dünýämi,

Ine,

şu gözler düňderdi!

......

____________________

Laçyn PÜRJÄÝEWA

Edebiyat kafesi 17.03.2024