Annasoltan KEKILOWA

Garaňkylyk sowulyp  gitdi  bireýýäm,

Parlak Gün  lowurdap  şöhlesin  saçdy.

Kanalmyzyň  köprüsiniň  üstünden,

Kombinezonly  türkmen oglany  geçdi.

 

Güldürip  owadan  goýun  gözlerin,

Daş köprüden  bäri  bakan  pillesi.

Ol  gözler  şeýle  bir  jadylap  meni,

Dikildi  ýüregme  yşkyň  güllesi.

 

Töwerege  aralaşyp  ümsümlik,

Bulutlar  seýil  etdi  mawy  asmanda.

Ýüregmi  ýesir  edip  ýüregne,

Özüm  gitdim, ýürek  galdy  şol  ýanda.

Annasoltan KEKILOWA