Men seni diňläýin, Güneş,

Diý, näme diýesiň gelse,

Bu dünýäde her kes, her kes

Güneş bolup durmy eýse.

Dym, ýöne dymasyň gelse,

Neler söýlejegiň hakda

Göge geňeş.

Aýt içiň, ümsüm oturyp,

Men seni diňlejek, Güneş!


Men seni diňläýin, ýagyş,

Ýüregiňde baryny aýt,

Haýsy mekanlara, gola,

Dünýälere ýagýanňy aýt.

Gaýt. Çöllere ýagyş ýagsyn,

Çölden saňa alkyş ýagsyn,

Ýa ýöne synlaýyn ýagşyň.

Şabrap sözle, şaglap sözle,

Men seni diňlejek, ýagyş!


Men seni diňläýin, eý guş,

Bilýän seniň gürlekdigňi,

Gülekdigňi,

Seň oturan şahaň gözel,

Ruhsary, dahany gözel,

Gürrüň ber tejribäň hakda,

Hol joraň hakda.

Perwaz içre bagtly ýaşa.

Saýra, gürle öz-özüňçe,

Düşünşeris, sebäp biziň

Dilimizem birmeňzeş-ä.

Men seni diňlejek, eý guş.

@Suraý Babanyýazowa