Men seni saýladym, Güneş!

Men seni saýladym, Güneş!  

Men seni haladym, Güneş!  

Gel, ikimiz şahalarda  

Tans oýnaly gujaklaşyp.  

Gel, ikimiz baharlarda 

Saz çalaly joşup-joşup.  

Men seni halaýan, Güneş!  

Men seni saýlaýan, Güneş!  

Ikijigmiz ýat şäherde 

Çadyr gurap oturarys.  

Bagt nämejik, aýş-eşreti 

Üstümize getireris.  

Her gün biri-birimizi 

Zemin üzre götereris.  

Göwnümiz ynjalar onsoň,  

Ýüregmizem rahat bolar.  

Biziň çümen ümsümligmiz,  

Ne gül bozar, ne ýel bozar.  

Men saňa ynanýan, Güneş!  

Men saňa guwanýan, Güneş! 

Ikijigmiz hol depede, 

Dem alarys ine-gana. 

Jana... 

Şu ümmülmez sähralardan 

Men seni saýladym, Güneş!  

Men seni haladym Güneş! 

Suraý Babanyýazowa