Sen gideňsoň dymdym.

Dymmaly däldim.

Ýöne gürlämde-de bolmazdy nepi.

Adyňy gaýtalan gijelem kändi,

Uludan dem alyp, agyrdyp çepi

Diňe agyrtmadym, aglatdym telim

Didelem çykardy gözýaşy daşa.

Eý, meniň gorkudan lal açan dilim,

Beýle ahwalata duşupdyň haçan?!

Gün dogýar,

Aý dogýar,

çalyşýar günler

Men bolsa küýseýän öňküje Aýy

Wah, meň ejem deýin gaýgyçyl dilber,

Ertire nähili ünjüleň taýyn?!

Ýöne çydajak bol, hem almajak bol

Çydaman jaň etsem 12-de, 1-de.

Göreşsek geçiler geçilmejek ýol,

Sähel aýralyklar bolmaýar kimde.

Seniň üçin galdym, gitjekdim ýogsa

Aýralykdan başga çykalga kändi.

Wagtymyz kän ýaly, bagtymyz bolsa

Sebäp, bu iň soňky netije däldir...

© Ylham GURBANALYÝEW

***************************