Bu gün säher bilen işe barýaryn, 

Görsene, bu barlyk owadan neneň. 

Sag-aman örüpdir ata mekanym, 

Guşlaň jürküldisi tijeýär menem.

Düýş görýär meýmiräp uklan bäbejik, 

Ejesi gülleri suwarýar, hanha. 

Goç ýigitler maňlaý derin süpürýär, 

Obamyň durmuşy gyzyşýar barha.

Gyz-gelinler ýygsa “gelinbarmagy ”, 

Gelnejeler bal atarýar üzümden. 

Ulagl-u-pyýada işine barýan 

Mähriban adamlar çykýar öňümden.

“Bukuldym” oýnaýar bezzat çagalar, 

Gap-gaç ýuwýar täze gelin ýaşynyp. 

Menem öz ýönekeý ädimlem bilen, 

Bu gözel barlyga barýan goşulyp.

Tanyş göýä adamlaryň ählisi, 

Ula-kiçä, hemmä salam berýärin. 

Döwrümiň sesine sesim goşmaga,

Bu gün säher bilen işe barýaryn.

@SuraýBabanyýazowa