Sen diňe başla!

Gazananyň ýeňiş bolsun,

Arzuwlaň Humaý guş bolsun,

Asmanda uç-da,

Wysaly buşla!


Sen diňe başla,

Maksatlaryň bolar barar,

Kynçylyk - bu mümkinçilik,

Bagta eltjek hut şol bolar,

Dumanlaň gözüni deş-de,

Üstünlik dagynda düşle!


Sen diňe başla,

Aýdymlaryň galsyn Arşa,

Geçmiş - gitmiş,

Geljek - indi geljek,

Şu gün ýaşa,

Mydar etme maýda bilen,

Dol-da daş-da,

Diňe başla!


Gabygyn aýyr pesligiň,

Ýoldaş bol arassa ýaza.

Kämil aýdym bol bu dünýä,

Şirwan perde bol bir saza.

Täze menzilleri aç-da,

Sen diňe başla!


Goý ýollaryň açylsyn seň,

Giň dünýä açgyn ýollary.

Beze eken gülleň bilen

Sähralary, giň çölleri,

Bir pursat soňa garaşma,

Başla!

@Suraý Babanyýazowa