Atamyrat ATABAÝEW
Poeziýa – sen gözel gyz,
Men seni söýüp giderin.
Sensiz men galaryn ýalňyz,
Yşkyňda köýüp giderin.
Söýüp, bilbil kibi saýrap,
Seň şanyňa sözler saýlap,
Aýlap-öwrüp, öwrüp-aýlap,
Diýjegim diýip giderin.
Poeziýa – sen bir peri, -
Şahyrlaryň örteneni.
Sen goýup gitmersiň meni,
Men seni goýup giderin.
***
Alyň, meniň goşgularmy, paýlaşyň,
Talaň, meniň setirlermi, sözlermi.
Alyň, meňzetmedir rifmalarmy,
Men siz üçin dowam edýän gözlegmi.
Ýazyp çykardamsoň olar meňki däl,
Ol indi iliňki, arkaýyn alyň.
Size gaty-gaýrym hiç zat diýmerin,
Öz halypaňyzdan arkaýyn boluň.
Gypynç etmän alyň, eger alsaňyz,
Şeýdeniňiz bilen mähriňiz gansa.
Käşgä, alyp, siz-ä şahyr bolsaňyz,
Ýa aldyryp menem goşgusyz galsam...
Atamyrat ATABAÝEW

Teswirler (3)
Teswir ýazmak üçin hasabyňyza giriň