Namazda gepleşen hindiler

 

Dört sany hindi musulman bir metjitde namaza durýarlar. Şol wagt metjidiň muezzini-azançysy ýanlaryna gelýär.

Ol dört hindiň biri namazdadygyny unudyp muezzinden soraýar:

– Muezzin gardaş, azan okansyň-a? Ýa, entek namaza wagt barmy?

Namazyny okap oturan ikinji hindi özüne erk edip bilmän ýoldaşyna gaharlanýar:

– Gepleme-dä. Namazda wagtyň geplenilmez. Namazyň bozuldy!

Üçünji hindi, ikinjä gygyrýar:

– Onuň bilen nä işiň? Asyl sen özüňe seret! Senem geplediň, namazyň hem bozuldy!

Şol wagt dördünji hindi gürrüňe goşulýar:

– Hemmäňiziň namazyňyz bozuldy. Hudaýa şükür, men siz ýaly ýalňyşmadym, geplemedim, namazymam bozmadym!

 

Şeýlelik bilen, boş sözler sebäpli dördüsiniňem namazy bozuldy.

Ne bagtyýardyr ki, ol kişi, öz aýbyny özi görer; kimdir biriniň aýybyny görse, o aýyby-utanjy özünde tapar. O aýyp, utanç, günä sende ýogam bolsa, ýene-de özüňe ynamly bolma; çünki, bir gün senem aýyp işe bulaşyp bilersiň; o aýyp seni hem tapar.

 

Mewlana Jelaletdin Rumi. Mesnewiler

Türkçeden terjime: Mango